പ്രിസം ഉണ്ടാക്കുന്ന പ്രശ്നങ്ങള്‍ !




ഒരു ക്രിസ്തുമസ് അവധിക്കാലത്തെ സുപ്രഭാതം .
മാഷ് പതിവുപോലെ , പ്രഭാതത്തിലെ കുളിരും നുകര്‍ന്ന് ഒരു കയ്യില്‍ ചായയും മറു കയ്യില്‍

പത്രവുമായി പൂമുഖത്തിരിക്കുകയായിരുന്നു.
ഈ തണുപ്പത്തെ ചുടുചായ പാനവും പത്രപാരായണവും മാഷിനിഷ്ടപ്പെട്ട കോമ്പിനേഷനാണ്.
അങ്ങനെ പത്രപാരായണം ഈ ത്രി ഡി ലെവലില്‍ നീങ്ങിക്കൊണ്ടിരിക്കുമ്പോള്‍ ...........
മുറ്റത്തൊരു മുരടനക്കം മാഷ് കേട്ടു .
തലയുയര്‍ത്തിനോക്കിയപ്പോള്‍ .............
...................
പതിവുപോലെ ....
കുസൃതിക്കുട്ടനും ആ‍പ്പിളുകുട്ടനും പിന്നെ ഒന്നു രണ്ടു തരാതരക്കാരും ;
മാഷ് ആ നാല്‍‌വര്‍ സംഘത്തെ പൂമുഖത്തിരിക്കുവാന്‍ ക്ഷണിച്ചൂ.
അവര്‍ പൂമുഖത്തെ തിണ്ണയിലിരുന്നു.
മാഷ് പത്രം മടക്കിവെച്ചു.
കുശലപ്രശ്നത്തിലേക്കു കടന്നു.
“ പിന്നെ എന്തൊക്കെയുണ്ട് വിശേഷങ്ങള്‍ “ എന്ന മുഖവുരയോടെ മാഷ് തുടങ്ങി.
അപ്പോഴും അവിടെ മൌനം തന്നെ .
മാഷ് തുടര്‍ന്നു.
“ പരീക്ഷയൊക്കെ എങ്ങനെ ?”
വീണ്ടും മൌനം
“ എത്ര മാര്‍ക്ക് നിങ്ങള്‍ക്ക് കിട്ടും ?”
ഉടന്‍ കുസൃതിക്കുട്ടന്‍ വായ് തുറന്നു.
“ മാഷെ , സ്ത്രീകളോട് വയസ്സ് , പുരുഷന്മാരോട് ശമ്പളം , വിദ്യാര്‍ത്ഥികളോട് മാര്‍ക്ക്  ...

എന്നിവ ചോദിക്കാന്‍ പാടില്ല എന്ന കാര്യം മാഷിനറിയില്ലേ “
“ അതില്‍ ആദ്യത്തെ രണ്ടെണ്ണം കേട്ടീട്ടുണ്ട് , പക്ഷെ , മൂന്നാമത്തെ ......”
“ കാലാ കാലങ്ങളില്‍ നാം അനുയോജ്യമായവ ചേര്‍ത്തുകൊള്ളണം “ കുസൃതിക്കുട്ടന്‍

മൊഴിഞ്ഞു.
“ അപ്പോള്‍ മാര്‍ക്കിന്റെ കാര്യം കഷ്ടി അല്ലേ “
മാഷ് കാര്യം മനസ്സിലാക്കിയ മട്ടില്‍ മൊഴിഞ്ഞു.
“ അതുപിന്നെ , മിക്ക കുട്ടികള്‍ക്കുകും അങ്ങനെ തന്ന്യാ “
“ അതെന്താ അത് ?”
മാഷ് ആപ്പിള്‍ കുട്ടനോട് ചോദിച്ചു.
“ അതുപിന്നെ .............” ആപ്പിളുകുട്ടന്‍ സംശയിച്ചൂ നിന്നു
എന്നാല്‍ കുസൃതിക്കുട്ടന്‍ തുടര്‍ന്നു.
“ കുറേ ചോദ്യങ്ങള്‍ ആദ്യഭാഗത്തു നിന്നു വന്നിരുന്നു”
“ അത് പിന്നെ എന്നും  അങ്ങനെ തന്നെയല്ലേ . അര്‍ദ്ധവാര്‍ഷീകപ്പരീക്ഷക്ക് പാദവാര്‍ഷിക

പ്പരീക്ഷയുടെ പാഠഭാഗങ്ങളില്‍ നിന്ന് ഇരുപതുശതമാനം മാര്‍ക്കിന് ചോദ്യങ്ങള്‍

വരാറുണ്ടല്ലോ”
“ പക്ഷെ , എന്റെ ചേട്ടന്‍ പറഞ്ഞത് അങ്ങനെയൊന്നുമല്ലെന്നാണ് .പണ്ട്  പത്ത ശതമാനം

മാര്‍ക്കിനേ വരൂ എന്നാണ് . അതും വളരെ എളുപ്പമുള്ള ചോദ്യങ്ങളാണെത്രെ വരിക “
“ ഉത്തരമെഴുതാന്‍ പറ്റാതായപ്പോള്‍ അതുമിതും പറഞ്ഞിട്ടെന്താ കാര്യം , പിള്ളേരേ “
മാഷ് അവഗണനയോടെ പറഞ്ഞു.
“ ഞങ്ങള്‍ക്ക് റിവിഷനൊന്നും സമയം കിട്ടിയില്ലെ “
“ഉം , അതെന്താ ?”
“ എക്സിബിഷന്‍ ,  യൂത്ത് ഫെസ്റ്റിവെല്‍ ............ എന്നിവയുടെ പ്രാക്ടീസ് ................”
ആപ്പിളുകുട്ടന്‍ പറഞ്ഞു
"പാദ വാര്‍ഷിക പരീക്ഷക്കുള്ള പാഠഭാഗങ്ങളില്‍ നിന്ന് പരീക്ഷക്ക് ചോദ്യം വരുന്നുണ്ടെങ്കില്‍

ആ ഭാഗങ്ങള്‍ അദ്ധ്യാപകര്‍ ക്ല്ലാസില്‍ റിവിഷന്‍ നടത്തണം “
“ മാര്‍ക്ക് കുറയും എന്നു കണ്ടപ്പോള്‍ , അതും ഇതം പറയാ ..”
മാഷ് ചൂടായി .
“ എന്റെ സ്കൂളില്‍ മാത്രമല്ല , ഇവന്റെ സ്കൂളിലും സ്ഥിതി ഇങ്ങനെ തന്ന്യാ “ ശാന്ത

പ്രകൃതിയുള്ള മെലിഞ്ഞ പയ്യനെ ചൂണ്ടി ആ‍പ്പിളുകുട്ടന്‍ മൊഴിഞ്ഞു.
“ പാദ വാര്‍ഷീക പ്പരീക്ഷയില്‍ നിന്നുള്ള ഇരുപതു ശതമാനം ഞങ്ങളെ ചിറ്റിച്ചു”
മാഷിന്റെ ഭാര്യ കുട്ടികള്‍ക്കുള്ള ചായയുമായി എത്തി .
“ഞങ്ങളുടെ ബാങ്കില്‍ ഇതിന് കൂട്ടു പലിശ എന്നാണ് പറയുക” അവള്‍ കുട്ടികളെ സപ്പോര്‍ട്ട്

ചെയ്ത് സംസാരിച്ചത് പിള്ളേര്‍ക്ക് വല്ലാതെ ബോധിച്ചു.
“ ആന്റിയെപ്പോലെയുള്ളവരാ സ്കൂളില്‍ ടീച്ചര്‍മാരായി വരേണ്ടത് . പക്ഷെ എന്തുചെയ്യാം

ജോലി ബാങ്കിലായിപ്പോയില്ലെ  “
കുസൃതിക്കുട്ടന്‍ ഒന്നു സോപ്പിട്ടു.
“ പോടാ , പോടാ,  ഇത് നീ വിചാരിക്കുന്ന വിസ്കോസിറ്റിയല്ല ” എന്നു പറഞ്ഞ് മാഷിന്റെ ഭാര്യ  വീട്ടിനകത്തേക്ക് പോയി
“മാഷെ കഴിഞ്ഞ ദിവസം ഞങ്ങള്‍ , രാത്രിയില്‍ ചന്ദ്രനും ചുറ്റും മഴവില്ലു കണ്ടു “ ഒന്നു

സംശയിച്ചു നിറുത്തി ആപ്പിളുകുട്ടന്‍ തുടര്‍ന്നു. “ മഴവില്ലല്ലാ മാഷേ ഹാലോ ... അങ്ങനെയല്ലെ

മാഷ് പറഞ്ഞു തന്നത് , നല്ല ഭംഗിയുണ്ടായിരുന്നു വൃത്താകൃതിയില്‍ അതിനെ കാണുവാന്‍ ”
 കുട്ടികളില്‍ നിരീക്ഷണശേഷി വളരുന്നതുകണ്ട്  മാഷിന് സന്തോഷമായി .
“ ചന്ദ്രനില്‍ മഴവില്ലുണ്ടാകുമോ മാഷേ “ ശാന്ത പ്രകൃതിയുള്ള കുട്ടി ചോദിച്ചു
“അന്തരീക്ഷമില്ലാത്ത ചന്ദ്രനില്‍ എങ്ങന്യാടാ മഴവില്ലുണ്ടാകുക “ ആപ്പിളുകുട്ടന്‍ മറുപടി നല്‍കി.
“ മാഷേ , ഒരു പ്രിസത്തില്‍ക്കൂടി മഞ്ഞ പ്രകാശം കടത്തിവിട്ടാല്‍ എന്തു സംഭവിക്കും “
ആപ്പിളുകുട്ടന്‍ ചോദിച്ചു
“അതിനെന്താ സംശയം; ചുവപ്പും പച്ചയും തന്നെ “ മാഷ് ചിരിച്ചൂകൊണ്ട് ഉത്തരം പറഞ്ഞു
“എങ്കില്‍ പ്രിസത്തില്‍ക്കൂടി നീല പ്രകാശം കടന്നുപോയാലോ ?” ഇപ്പോള്‍ ചോദ്യകര്‍ത്താവ്

കുസൃതിക്കുട്ടനായി .
മാഷ് ഉത്തരം പറയുവാന്‍ സംശയിച്ചു നിന്നു
മാഷിന്റെ മൌനം കുട്ടികളില്‍ ആവേശം നല്‍കി.
ഉടന്‍ കുസൃതിക്കുട്ടന്‍ വീണ്ടും ചോദിച്ചു
“നീല , പച്ച , ചുവപ്പ് എന്നീവര്‍ണ്ണങ്ങള്‍ സംയോചിച്ചുണ്ടായ ധവളപ്രകാശം പ്രിസത്തിലൂടെ

കടത്തിവിട്ടാലോ ?”
മാഷിന് സംഗതി പിടികിട്ടി .ഈ ഡിസംബറിലെ തണുപ്പത്ത് ഇവര്‍ താനുമായി

ശാസ്ത്രകാര്യങ്ങള്‍ ചര്‍ച്ചചെയ്യുവാന്‍ വന്നതല്ല എന്ന സത്യം മാഷിനുമുന്നില്‍ വ്യക്തമായി .
“ഞങ്ങളുടെ ഫിസിക്സ് ടീച്ചറോട് ചോദിച്ചപ്പോള്‍ ടീച്ചര്‍ ആദ്യം പറഞ്ഞു നീല പച്ച ചുവപ്പ് എന്നീ

വര്‍ണ്ണങ്ങള്‍ ലഭിക്കുമെന്ന് . മൂന്നുനാലു ദിവസങ്ങള്‍ കഴിഞ്ഞപ്പോള്‍ ടീച്ചര്‍ പറയുകയാ

അതല്ല ശരിയുത്തരം VIBGYOR ആണ് ശരിയുത്തരമെന്ന് “
“ അതെന്താ അങ്ങനെ മാഷേ ?” ആപ്പിളുകുട്ടന്‍ ചോദിച്ചു
“ അത് ശാസ്ത്രത്തിന്റെ പ്രത്യേകതയാ . അത് വളരുന്തോറും വസ്തുതകള്‍ക്ക് മാറ്റമുണ്ടാകും “

കുസൃതിക്കുട്ടന്‍  കളിയാക്കിപ്പറഞ്ഞു
“ പ്രാഥമിക വര്‍ണ്ണരശ്മികള്‍ സംയോജിച്ചുണ്ടായ ഈ വെളുത്ത പ്രകാശം പ്രിസത്തില്‍ക്കൂടി

കടത്തിവിട്ടാല്‍ സ്‌പെക്ട്രത്തിന്റെ മുകളിലും താഴെയുമായി ഇന്‍ഫ്രാറെഡും അള്‍ട്രാവയലറ്റും

ഉണ്ടാകുമോ മാഷേ “  ആപ്പിളുകുട്ടന്‍ ചോദിച്ചു
മാഷ് ദേഷ്യത്തോടെ അവനെ തറപ്പിച്ചു നോക്കി .
“ഇന്‍‌കാന്‍ഡസെന്റ് ലാമ്പിന്റെ പ്രകാശത്തില്‍  ഇന്‍ഫ്രാറേഡും അള്‍ട്രാവയലറ്റും ഉണ്ടോ

മാഷേ . “ വീണ്ടും ആപ്പിളുകുട്ടന്‍ ചോദിച്ചൂ
മാഷ് വീണ്ടും അവനെ തറപ്പിച്ചു നോക്കി
“അല്ല , ഫോട്ടോഗ്രാഫിക് ഫിലിം ആ വെളിച്ചത്ത് വെച്ചാല്‍ എന്തെങ്കിലും സംഭവിക്കുമോ

എന്നറിയാനാ ?”
മാഷ് ഒന്നും മിണ്ടിയില്ല .
“ മൂണ്‍ ലൈറ്റില്‍  അള്‍ട്രാവയലടും ഇന്‍ഫ്രാറെഡും ഉണ്ടോ മാഷേ ?” ശാന്ത പ്രകൃതിയുള്ള

പയ്യനാണ് ഇപ്പോള്‍ ചോദ്യവുമായി എത്തിയത്
“ മൂണ്‍ലൈറ്റിനെ പ്രിസത്തില്‍ക്കൂടി കടത്തിവിട്ടാലോ മാഷേ “
“ ഇനി എന്തൊക്കെ നിങ്ങള്‍ക്ക് പ്രിസത്തില്‍ക്കൂടി കടത്തിവിടണം ?” മാഷ് ദേഷ്യത്തോടെ

ചോദിച്ചൂ.
പക്ഷെ അവര്‍ മാഷിന്റെ ദേഷ്യത്തെ അവഗണിച്ച് പൊട്ടിച്ചിരിച്ചു.
“ മാഷേ , ചന്ദ്രന്‍ എന്താ സ്വര്‍ണ്ണ നിറത്തില്‍ കാണുന്നത് ?”
“ പണ്ട് ചന്ദ്രനിലേക്ക് പോകാനുള്ള ഗവേഷണം തുടങ്ങിയത് അവിടെ സ്വര്‍ണ്ണം ഉണ്ടോ എന്ന്

വിചാരിച്ചാണോ
?”
“ സ്വര്‍ണ്ണം ചെലവുകുറഞ്ഞ രീതിയില്‍ ഉണ്ടാക്കാമെന്ന് കണ്ടുപിടിച്ചാല്‍ എന്താകും മാഷേ

സ്ഥിതി ?”
മെഷിന്‍ ഗണ്‍ പോലെ കുട്ടികള്‍ ചോദ്യങ്ങള്‍ വര്‍ഷിച്ചു
അന്നേരം , കുട്ടികള്‍ കുടിച്ചുകഴിഞ്ഞ ചായഗ്ലാസെടുക്കുവാനായി മാഷിന്റെ ഭാര്യ

പൂമുഖത്തെത്തി. അവര്‍ കുട്ടികള്‍ ചോദിച്ച ചോദ്യം കേട്ടുകൊണ്ടായിരുന്നു വരവ്
“അങ്ങനെയൊക്കെ സംഭവിക്കുമോ ?” മാഷിന്റെ ഭാര്യ ചോദിച്ചു
“ അല്ല ; എങ്ങാനും ഒരു സുപ്രഭാതത്തില്‍ ചെലവു കുറഞ്ഞ രീതിയില്‍ സ്വര്‍ണ്ണം

ഉണ്ടാക്കാമെന്ന് കണ്ടെത്തിയാല്‍...............”
മാഷിന്റെ ഭാര്യയുടെ മുഖത്ത് ഭീതിയുടെ വേലിയേറ്റം ദൃശ്യമായി .
“ഈശ്വരാ അങ്ങനെ വന്നാല്‍ ബാങ്ക് പൂട്ടുമല്ലോ . അങ്ങനെയൊന്നും സംഭവിക്കാതിരിക്കട്ടെ

“ അവര്‍ ഈശ്വരനെ വിളിച്ചൂ പറഞ്ഞു
കുട്ടികള്‍ക്ക് അത് തമാശയായി തോന്നി.
അവര്‍ യാത്ര പറഞ്ഞ് പിരിഞ്ഞു.
അന്നേരം മാഷിന്റെ ഭാര്യ മാഷിനോട് ചോദിച്ചു
“ കുട്ടികള്‍ പറഞ്ഞപോലെ സംഭവിക്കുമോ “
“ അങ്ങനെ കണ്ടുപിടിച്ചാലും അത് നടപ്പിലാക്കുവാന്‍ പോകുന്നില്ല “ മാഷ് സമാധാനപ്പെടുത്തി

Worksheets

                   -->
1. ചിത്രം നിരീക്ഷിക്കുക





a. ചിത്രത്തിലെ A, B എന്നീ ഉപകരണങ്ങളുടെ പേരെഴുതുക. (1)
b. ചിത്രം A യിലെ ഊര്‍ജമാറ്റം എന്ത്? ഈ ഉപകരണത്തിന്റെ പ്രവര്‍ത്തനതത്ത്വം എന്ത്? (1)
    c. ആംപ്ലിഫയറിലെ പ്രധാന ഇലക്ട്രോണിക് ഘടകം ഏത്? ഇതിന്റെ ഉപയോഗം എന്ത്? (1)


2.ഘടകവര്‍ണ്ണങ്ങള്‍ ചേര്‍ന്നുള്ള ഒരു മജന്ത പ്രകാശസ്രോതസ്സ് ഇരുട്ടുമുറിയില്‍ക്രമീകരിച്ചിരിക്കുന്നു. പ്രകാശം ഒരു മഞ്ഞ ഫില്‍ട്ടറില്‍കൂടി കടന്ന് ഒരു വെളുത്ത പൂഷ്പത്തില്‍പതിക്കുന്നു.





(a). വെളുത്ത പൂഷ്പം ഏതു വര്‍ണ്ണത്തില്‍കാണപ്പെടും? (1)
(b). വെളുത്ത പൂഷ്പത്തിനുപകരം മഞ്ഞ പുഷ്പമായിരുന്നുവെങ്കിലോ? (1)


3.
--> 
 a. കേരളത്തിലെ പവര്‍സ്റ്റേഷനില്‍ ഉത്പാദിപ്പിക്കുന്ന വൈദ്യുതി എത്രവോള്‍ട്ടിലുള്ളതാണ്? (1)
b. വൈദ്യുത പവര്‍പ്രേഷണത്തില്‍സ്റ്റെപ് അപ് ട്രാന്‍സ്ഫോര്‍മര്‍, സ്റ്റെപ് ഡൗണ്‍ട്രാന്‍സ്ഫോര്‍മര്‍
എന്നിവ എവിടെയൊക്കെയാണ് ഉപയോഗിക്കുന്നത്? (1)
    c. നിങ്ങളുടെ വീടിനടുത്തുള്ള പ്രദേശങ്ങളില്‍ വോള്‍ട്ടേജ് ക്ഷാമം നേരിട്ടപ്പോള്‍ KSEB ഒരു
    ട്രാന്‍സ്ഫോമര്‍ സ്ഥാപിക്കാന്‍ തീരുമാനിച്ചു. ഏത് തരം ട്രാന്‍സ്ഫോമറായിരിക്കും ഇത്? (1)

10-ാം ക്ലാസ്സ് ഫിസിക്സ് ഉത്തരസൂചിക


-->
1) B (മ‌‌‌ഞ്ഞ+നീല= വെള്ള) 1
2) b 1
3) 400V 1
  1. ശബ്ദ പ്രവേഗം 1
5) ഇന്‍കാന്‍ഡസെന്റ് ലാമ്പ് ഫ്ലൂറസെന്റ് ലാമ്പ് 2
താപ രൂപത്തിലുള്ള ഊര്‍ജ നഷ്ടം കൂടതല്‍ നിഴല്‍ മൂലമുള്ള അസൗകര്യം കുറവ്
ടങ്സ്ററണ്‍ ഫിലെമന്റ് ഉപോയാഗിചിരിക്കുന്നു അള്ട്രാവയലറ് കിരണങ്ങള്‍ മൂലം പ്രകാശംഉണ്ടാകുന്നു.

6) a) താപം മൂലമുള്ള ഊര്‍ജനഷ്ടം കുറയ്ക്കുന്നതിന് 1
b) AC വോള്‍ട്ടത ഉയര്‍ത്തുനതിനും താഴ്ത്തുന്നതിനം 1
7)അനുയോജ്യമായ സെര്‍ക്കീട്ട്             2

8) a) ഉച്ചത കൂടുന്നു, കാരണം പ്രണോദിത കമ്പനം 1
b) 512 Hz 1

9) a)വാട്ട് അവര്‍ മീറ്റര്‍ 1
b) 60W X 5 X 3=900W h
40W X 6 X 5=1200W h
ആകെ =2100W h
30 ദിവസെത വൈദ്യുതോര്‍ജത്തിന്റെ അളവ് = 2100/1000 x30 =63 kWh 2

10) I) 1st graph -------------ആയതി--------1cm 1
ii) 2nd graph -------------ആവൃത്തി------1Hz 1
    1. 3rd graph---------തരംഗ ദൈര്‍ഘ്യം-----8m 1 1
11) a) X= നീല Y= മജന്ത 1
b) സയന്‍ 1
    1. ഇരുണ്ട നിറത്തില്‍ 1
12) a) കപ്പാസിറ്റര്‍ 1
b) വൈദ്യുത ചാര്‍ജ് സംഭരിച്ചുവയ്ക്കുക 1
  1. ഇല ക്ട്രോലൈറ്റിക് കപ്പാസിറ്റര്‍ 1

13)a) S 1
b) സെല്‍ഫ് ഇന്റക്ഷന്‍ മൂലം ബാക്ക് emf ഉണ്ടാകുന്നു. പച്ചിരുമ്പ് കോര്‍
ഉള്ളതിനാല്‍ back e.m.f അളവ് കൂടുന്നു. 2
  1. S,R 1

14) a) ശബ്ദത്തിന്റെ പ്രതിപതനം മൂലമുള്ള പതിധ്വനി, അനരണനം 1
b) ചുമരുകള പരുക്കനാക്കുക, കട്ടിയുളള കര്‍ട്ടനുകള്‍ ഉപോയാഗികക,
സീറ്റുകളില്‍ കുഷ്യനിടുക, നിറെയ ശ്രോതാക്കള്‍ ഉണ്ടായിരിക്കുക. 2
  1. ACOUSTICS OF BUILDING 1
15)A
a) അപവര്‍ത്തനം, പൂര്‍ണ്ണ ആന്തര പ്രതിപതനം 1
b) P= വയലറ് Q= ചുവപ് 1
  1. ചുവപ്പ് മുകളിലും വയലറ്റ് താഴെയും 1
d) പ്രകീര്‍ണനത്തിന്റെ ഫലമായി ഉണ്ടാകുന്ന ഓരാ വര്‍ണവം ദൃഷ്ടി രേഖയമായി ഒര
നിശ്ചിത കോണ്‍ ഉണ്ടാകുന്നു. നിറത്തില്‍ കാണപ്പെടുന്ന എലാ ജലകണികകളം ദൃഷ്ടി
രേഖയമായി ഓരോ കോണ്‍ ഉണാകുന്നു. 1


15)B
a) 








b) നീല 1
c)പ്രകീര്‍ണനം 1


16)
a) A=ഇന്‍ഫ്രാ റെഡ്
B=അള്‍ട്രാ വയലറ്റ് 1
b)ഫോട്ടോ ഗ്രാഫിക് ഫിലിമകളില രാസമാറ്റം വരുത്തന്നത് 1
c) വിറ്റാമിന്‍ D ഉണ്ടാക്കുന്നു. 1
d) ഇന്‍ഫ്രാറെഡ് വികിരണം, വിസരണ നിരക്ക് കറവ് 1

മാതാപിതാക്കള്‍ക്ക് കുട്ടികളെ ശിക്ഷിക്കാന്‍ അധികാ‍രമുണ്ടോ ?





ഒരു ഒഴിവുദിനത്തിലെ സുപ്രഭാതം .
സാമൂഹ്യം   മാഷ് പതിവുപോലെ , പൂമുഖത്തിരുന്ന് ഡിസംബറിന്റെ തണുപ്പില്‍ ചായയും നുണഞ്ഞ് പത്രം വായിച്ചൂകൊണ്ടിരിക്കുകയായിരുന്നു.
അപ്പോഴാണ് മുറ്റത്ത് ഒരു മുരടനക്കം കേട്ടത് .
തലയുയര്‍ത്തിനോക്കിയപ്പോള്‍ ............
കുസൃതിക്കുട്ടനും രക്ഷിതാവും മുന്നില്‍ നില്‍ക്കുന്നു.
മാഷ് , അവരെ പൂമുഖത്തെ തിണ്ണയിലിരിക്കുവാന്‍ ക്ഷണിച്ചൂ.
“ എന്താ ഇത്ര കാലത്തുതന്നെ ?:“
മാഷ് ലോഹ്യം ചോദിച്ചു
രംഗത്തില്‍ കുറച്ചൂനേരം മൌനത്തിന്റെ താണ്ഡവം നടന്നു.
കുസൃതിക്കുട്ടന്‍ തന്റെ മുഖം ഗൌരവത്തില്‍ പിടിച്ചിരിപ്പാണ്
രക്ഷിതാവ് രൂക്ഷമായ മുഖഭാവത്തില്‍ .........
അവസാനം ; രക്ഷിതാവ് പറഞ്ഞു
“ മാഷെ , മാതാപിതാക്കള്‍ക്ക് കുട്ടികളെ ശിക്ഷിക്കാന്‍  അധികാ‍രമുണ്ടോ ? ”
ഇതാണോ ഇത്ര വലിയ പ്രശ്നമെന്ന മട്ടില്‍ മാഷിരുന്നു
പിതാവ്  , മാഷിന്റെ തണുപ്പന്‍ മട്ട് കണ്ടിട്ടവാം വീണ്ടും ചൂടായി ചോദിച്ചു
“മാഷെ , അദ്ധ്യാപകര്‍ക്ക് വിദ്യാര്‍ത്ഥികളെ ശിക്ഷിക്കാന്‍ അധികാരമുണ്ടോ ?”
മാഷിന് ഇപ്പോള്‍ സംശയമായി
തന്റെ കയ്യില്‍ നിന്നെങ്ങാനും ................
വല്ല പാകപ്പിഴ പറ്റിയോ ?
അതോ ............
തന്റെ മറ്റു സഹപ്രവര്‍ത്തകരില്‍നിന്നോ
മാഷ് , പണ്ടത്തെ ശിക്ഷാവിധികളെക്കുറിച്ചാലോചിച്ചു
തുടയില്‍ അടി . ചെവിയില്‍ ചോക്കുവെച്ച് തിരുമ്മി ചെവി പൊന്നാക്കല്‍ , തലയില്‍ കിഴുക്ക് , ഡസ്കില്‍ കയറ്റി  നിറുത്തല്‍ ,,,,,,,,,,,,,, ഇത്യാധികള്‍ എത്രതരം
പക്ഷെ , ഇപ്പോള്‍ ................
ഇതൊക്കെ കാടത്തമായല്ലേ കണക്കാക്കൂ .
എന്തിന് മൃഗങ്ങളോടു പോലും ക്രുരത കാണിക്കാന്‍ പാടില്ലല്ലോ .
കുട്ടികളെ മാനസികമായും ശാരീരികമായും വേദനിപ്പിക്കുന്നത് ശരിയല്ലെന്ന ഉത്തമ ബോധ്യവും മാഷിനുണ്ട്
എന്നിട്ടും ഇപ്പോള്‍ കുസൃതിക്കുട്ടന്റെ രക്ഷിതാവ് വന്നിരിക്കുന്നത് എന്തിനാണാവോ ?
“ സുഹൃത്തേ , “ മാഷ് പറഞ്ഞു  “ താങ്കള്‍ കാര്യം പറയൂ”
രക്ഷിതാവ് പറഞ്ഞു
“ കഴിഞ്ഞ ദിവസം മുതല്‍ ഇവന്‍ പറയുകയാ , ഇനിമുതല്‍ എന്നോട് മര്യാദക്ക് പെരുമാറണം എന്ന് . അല്ലെങ്കില്‍ എന്നു പറഞ്ഞ് ഒരു ഭീഷണിയും . കടയില്‍ നിന്ന് സാധനങ്ങള്‍ വാങ്ങിക്കൊണ്ടുവരാന്‍ പറഞ്ഞതിനാ ഈ മറുപടി . ഇപ്പോഴാകട്ടെ വീട്ടില്‍ എന്തു പണി ചെയ്യുവാന്‍ പറഞ്ഞാലും ബാല വേല എന്ന് പറഞ്ഞ് ഭീഷണിയും . എനിക്ക് കലികയറി നടും പുറത്ത് നാലു ചവിട്ടുവെച്ചുകൊടുക്കുവാന്‍ തോന്നി “
രക്ഷിതാവ് കുസൃതിക്കുട്ടനെ ചൂണ്ടി പറഞ്ഞു
മാഷ് കുസൃതിക്കുട്ടനെ നോക്കി .
അവന്‍ ഗൌരവത്തില്‍ തന്നെ .
തുടര്‍ന്ന് രക്ഷിതാവ് കയ്യിലിരുന്ന ഒരു പത്രമെടുത്ത് കാണിച്ചൂ .
“ ഈ വാര്‍ത്ത കാണീച്ചാ ഇവന്‍ എന്നെ ഭീഷണിപ്പെടുത്തിയത് ? നോര്‍വെയില്‍ ഇങ്ങനെയാണെത്രെ . അവിടെ കുട്ടിയെ ഭീഷണിപ്പെടുത്തിയതിന് മാതാപിതാക്കളെ പോലീസ് അറസ്റ്റ് ചെയ്തത്രെ ! “
“ കുസൃതിക്കുട്ടന്‍ പറഞ്ഞു “ ഇപ്പോള്‍ ഇത് നോര്‍വെയില്‍ ; ഇനി ഈ നിയമം എല്ലാ രാജ്യങ്ങളിലും വ്യാപിക്കും . രക്ഷിതാക്കളുടെ കുത്തകമുതലാളിത്ത - ഏകാതിപത്യ ഭരണത്തിനെതിരെ ഇത് കൊടുങ്കാറ്റായി ആഞ്ഞടിക്കും . അതില്‍ രക്ഷിതാക്കളാകുന്ന മുതലാളിത്ത കല്‍മണ്ഡപങ്ങള്‍ തകര്‍ന്ന് തരിപ്പണമാകും . അങ്ങനെ കുട്ടികള്‍കൂടി ഉള്‍പ്പെടുന്ന ജനാ‍ധിപത്യ ഭരണസംവിധാനം കുടുബങ്ങളില്‍ നിലവില്‍ വരും  . വിദ്യാര്‍ത്ഥികളായ ഞങ്ങള്‍ കാഞ്ചനക്കൂട്ടിലെ പക്ഷികളല്ലെ   . ബന്ധുര കാഞ്ചനക്കുട്ടിലാണെങ്കിലും ബന്ധനം ബന്ധനം തന്നെ പാരില്‍ . “
മാഷിന് കാര്യം മനസ്സിലായി .
സാമൂഹ്യം മാഷ്  പത്താം ക്ലാസില്‍ പൊളിറ്റിക്കല്‍ സയന്‍സില്‍  പഠിപ്പിച്ച എല്ലാ വസ്തുതകളും അവന്‍  പ്രയോഗത്തില്‍ വരുത്തിയതായി മാഷ് ദുഃഖത്തോടെ മനസ്സിലാക്കി. അത് അവന്റെ വീട്ടിലെ അധികാരി വര്‍ഗ്ഗത്തിനെതിരെ പ്രയോഗിക്കുകയും ചെയ്തിരിക്കുന്നു.
പിന്നെ കഴിഞ്ഞ ദിവസത്തിലെ പത്രവാര്‍ത്ത ; അത് കുസൃതിക്കുട്ടന്റെ ഈ ത്വരയെ ഉണര്‍ത്തുകയും ചെയ്തിരിക്കുന്നു

നോര്‍വെയില്‍ ചെറിയ കുട്ടിയെ ഭീഷണിപ്പെടുത്തിയതിന് മാതാപിതാക്കളായ ഇന്ത്യന്‍ ദമ്പതികളെ അറസ്റ്റ് ചെയ്തിരുന്നു. ഇപ്പോള്‍ കുസൃതികുട്ടന്‍ എടുത്തിരിക്കുന്നത് ഈ നമ്പറാണ് ?രക്ഷിതാവ് ചൂടാകാതിരിക്കുമോ ? മാഷിന് ചിരിവന്നു
മാഷ് ചിരിച്ചു
അതുകണ്ടപ്പോള്‍ രക്ഷിതാവ് കോപം കൊണ്ടു തിളച്ചൂ
“ ഞാനിതു പറഞ്ഞപ്പോള്‍ മാഷിനു ചിരി . മാ‍ഷ് ഇത്തരം കാര്യങ്ങള്‍ ക്ലാസില്‍ പഠിപ്പിച്ചുകൊടുത്തതുകൊണ്ടാ ഈ പ്രശ്നമൊക്കെ ഉണ്ടായത്  “
മാഷ് ഒന്നും മിണ്ടാതെ തന്റെ താടി ഉഴിഞ്ഞു
അന്നേരം മാഷിന്റെ ഭാര്യം ഇരുവര്‍ക്കുമുള്ള ചായയുമായി രംഗപ്രവേശനം ചെയ്തു.
പ്രഭാതത്തിലെ ആ തണുപ്പില്‍ ഇരുവരും ചായ കുടിച്ചൂ .
തല്‍ക്കാലം മാഷ് അവരെ അനുനയിപ്പിച്ച് തിരിച്ചയക്കാന്‍ ശ്രമിച്ചു. കുസൃതിക്കുട്ടനോട് തല്‍ക്കാലം സമരമുഖത്തിന് ഒരു സ്റ്റേ നടപ്പില്‍ വരുത്തുവാനും ആവശ്യപ്പെട്ടു. അവന്‍ വൈമനസ്യത്തോടെ വഴങ്ങി.
പോകാന്‍ നേരം രക്ഷിതാവ് മാഷിനോട് പറഞ്ഞു
“ ഒരു കാര്യം മാഷ് പറഞ്ഞു തരണം ; പ്രായപൂര്‍ത്തിയാകാത്ത വിദ്യാര്‍ത്ഥികള്‍ക്ക് അവരുടെ രക്ഷിതാക്കളെ ഭീഷണിപ്പെടുത്തുവാന്‍ അധികാരമുണ്ടോ ?”
കുസൃതിക്കുട്ടന്റെ മുഖം കനത്തു
അവര്‍ പോയിക്കഴിഞ്ഞപ്പോള്‍ മാഷിന്റെ  ഭാര്യ മാഷിനോട് ചോദിച്ചു
“ഭര്‍ത്താവിന് ഭാര്യയെ ശിക്ഷിക്കാന്‍ അധികാരമുണ്ടോ ?
ഉടനെ മാഷ് പ്രതികരിച്ചു
“ഭാര്യക്ക് ഭര്‍ത്താവിനെ ഭീഷണിപ്പെടുത്തുവാന്‍ അധികാരമുണ്ടോ ?”

വാല്‍ക്കഷണം : 1 പത്രവാര്‍ത്ത വായിക്കുവാന്‍ താഴെ ക്ലിക്ക് ചെയ്യൂ

മകനെ ശകാരിച്ച ഇന്ത്യന്‍ ദമ്പതികളെ തടവിലിടണമെന്ന് നോര്‍വെ




വാല്‍ക്കഷണം : 2 
നോര്‍വെയെക്കുറിച്ച് നിങ്ങള്‍ക്ക് എന്തറിയാം

വാല്‍ക്കഷണം :3
എന്താണ് നോര്‍വെ ശിശുസംരക്ഷണ സമിതി ?

വാല്‍ക്കഷണം : 4                                                                                                                                       നോര്‍വെയെക്കുറിച്ച് വിക്കിപ്പീഡിയ പറയുന്നതിപ്രകാരം

നോർവേ (ഔദ്യോഗികമായി കിങ്ഡം ഓഫ് നോർവേ) വടക്കൻ യൂറോപ്പിലെ ഒരു രാജ്യമാണ്. സ്വീഡൻ, ഫിൻലാന്റ്, റഷ്യ എന്നിവയാണ് ഇതിന്റെ അതിർത്തി രാജ്യങ്ങൾ. ഇതിന്റെ പടിഞ്ഞാറ് ഭാഗത്ത് നോർത്ത് കടലിന്റെ അക്കരെ യുണൈറ്റഡ് കിങ്ഡം, ഫാറോ ദ്വീപുകൾ എന്നിവ സ്ഥിതി ചെയ്യുന്നു.
നോർവേയിൽ വാതക പാടങ്ങൾ, ജലവൈദ്യുതി, മത്സ്യം, വനം, ധാതു എന്നിവയുടെ സമ്പുഷ്ട സ്രോതസ്സുകളുണ്ട്. 2006-ൽ ഏറ്റവുമധികം മത്സ്യ കയറ്റുമതി നടത്തുന്ന രണ്ടാമത്തെ രാജ്യമായിരുന്നു നോർവേ. ഭക്ഷ്യ സംസ്കരണം, കപ്പൽ നിർമ്മാണം, ലോഹങ്ങൾ, രാസവസ്തുക്കൾ, ഖനനം, പേപ്പർ ഉത്പന്നങ്ങൾ എന്നിവയാണ് മറ്റ് പ്രധാന വ്യവസായങ്ങൾ.
2007-ൽ ഗ്ലോബൽ പീസ് ഇൻഡക്സ് നോർവേയെ ലോകത്തിലെ ഏറ്റവും സമാധാനപരമായ രാജ്യമായി തിരഞ്ഞെടുത്തു. നാറ്റോയുടെ ആരംഭം മുതൽ അതിൽ അംഗമാണ് നോർവേ.

Child Welfare Services (Norway)
ഈ പ്രസ്ഥാനമാണ് കുട്ടികളുടെ അവകാശങ്ങളേയും താല്പര്യങ്ങളേയും സംരക്ഷിക്കുന്നത്. ശാരീരികവും മാനസികവുമായ പീഡനങ്ങളില്‍ നിന്ന് കുട്ടികളെ സംരക്ഷിക്കുന്നതില്‍ ഈ പ്രസ്ഥാനം മുഖ്യപകുവഹിക്കുന്നു. കുട്ടികള്‍ അവരുടെ മാതാപിതാക്കളോടൊപ്പം വളരണമെന്നകാര്യത്തില്‍ ഈ പ്രസ്ഥാനം നിഷ്കര്‍ഷ പുലര്‍ത്തുന്നു.
ചുമതലകള്‍
കുട്ടികളുടെ ആവശ്യങ്ങള്‍ക്കനുസരിച്ച് കുടുംബം പ്രവര്‍ത്തിക്കുന്നില്ലെങ്കില്‍ നടപടികളെടുക്കുവാന്‍ അധികാരമുണ്ട് .

ബഹിരാകാശ നിലയം ( സ്പേസ് സ്റ്റേഷന്‍ ) ആകാശത്തുകൂടി കടന്നുപോകുന്നതുകാണുവാന്‍ ........



അതിനായി താഴെ കൊടുത്തിരിക്കുന്ന ലിങ്കില്‍ ക്ലിക്ക് ചെയ്യുക .
http://spotthestation.nasa.gov/
അപ്പോള്‍ വരുന്ന വിന്‍ഡോയില്‍ ഇമെയില്‍ , രാജ്യം , പട്ടണം എന്നിവ നല്‍കുക .
നിങ്ങളുടെ ഇമെയിലില്‍ ലഭിക്കുന്ന കോഡ് ഉപയോഗിച്ച് വീണ്ടും മുന്നോട്ടുപോകുക.സ്പേസ് സ്റ്റേഷന്‍ നിങ്ങളുടെ പ്രദേശത്ത് എത്തുന്നതിന് ഏതാനും മണിക്കൂര്‍ മുന്‍പ് സന്ദേശം വരും





ആകാശത്ത് ഇപ്പോള്‍ സൂര്യനും ചന്ദ്രനും കഴിഞ്ഞാല്‍ ഏറ്റവും തിളക്കമുള്ളത് ബഹിരാകാശ നിലയത്തിനാണ് .ശുക്രനോളം വലിപ്പവും അതിനേക്കള്‍ കുറച്ചുകൂടി തിളക്കവും കാണാം.രാവിലേയും വൈകീട്ടുമാണ് ഇത് നന്നായി കാണുവാന്‍ കഴിയുക.



കടപ്പാട് : മനോരമ പഠിപ്പുര

എന്തുകൊണ്ടാണ് ട്യൂണിംഗ് ഫോര്‍ക്കിന് രണ്ട് ഭുജങ്ങള്‍ ?


വെള്ളിയാഴ്ച ഉച്ചസമയം .
ഫിസിക്സ് മാഷ് സ്റ്റാഫ് റൂമില്‍ ഉച്ചഭക്ഷണത്തിനുശേഷമുള്ള പതിവിന്‍പടി  കസേരയിലിരുന്നുള്ള
മയക്കത്തിലായിരുന്നു.
അപ്പോഴാണ് എന്തോ ശബ്ദം കേട്ട് ഞെട്ടിയുണര്‍ന്നത് .
നോക്കിയപ്പോഴുണ്ട് കുസൃതിക്കുട്ടന്‍ മുന്നില്‍ നില്‍ക്കുന്നു.
മാഷിനു കാരണം മനസ്സിലായി .
എന്തെങ്കിലും സയന്‍സ് സംബന്ധമായ സംശയവുമായി വന്നതാകണം.
മാഷ് കസേരയില്‍ ശരിക്ക് ഇരുന്നു.
ചുറ്റും  നോക്കി .
സ്റ്റാഫ് റൂമിലെ മറ്റ് മാഷന്മാരെല്ലാം രംഗം സാങ്കൂതം വീക്ഷിക്കുന്നുണ്ട് .
മാഷ് അത് അത്ര കാര്യമാക്കിയില്ല.
“ എന്തൊക്കെയുണ്ട് കുസൃതിക്കുട്ടാ വിശേഷങ്ങള്‍ ?” മാഷ് ചോദിച്ചു
ഒരു കാര്യം അറിയാനാ ഞാന്‍ വന്നത്
കുസൃതിക്കുട്ടന്‍ പറഞ്ഞുതുടങ്ങി
“ എന്തുകൊണ്ടാണ് ട്യൂണിംഗ് ഫോര്‍ക്കിന് രണ്ട് ഭുജങ്ങള്‍ ? ഒന്ന് പോരെ ?”
സ്റ്റാഫ് റൂമില്‍ കൂട്ടച്ചിരി മുഴങ്ങി.
ബയോളജി മാഷിന്  ഈ ചോദ്യം ശരിക്കു പിടിച്ചെന്നു തോന്നുന്നു ; അതിനാലാവാം അദ്ദേഹം മറുപടിപറഞ്ഞുതുടങ്ങിയത് .
“അതേയ് കുസൃതിക്കുട്ടാ ? എന്തുകൊണ്ടാ നിനക്ക് രണ്ട് കൈകള്‍ ? രണ്ട് കാലുകള്‍ ?പശുവിനെ എത്രയാ താങ്ങുന്നത് ? അതുപോലെ തന്നെയാ ഇതും . “
“ഇങ്ങനത്തെ വട്ട് ചോദ്യങ്ങള്‍ ചോദിക്കാതെ കുസൃതിക്കുട്ടാ “ ഡ്രോയിംഗ് മാഷ് പ്രതിവചിച്ചു
“നീ രാമായണകാലഘട്ടത്തില്‍ രാവണന്‍ ഉപയോഗിച്ചിരുന്ന  ട്യൂണിംഗ് ഫോര്‍ക്ക് കണ്ടിട്ടുണ്ടോ ? അതിന് എത്രയാ ഭുജങ്ങള്‍ എന്ന് അറിയോ “ മലയാളം മാഷ് ചോദിച്ചു
“ അപ്പോള്‍ ഭീമസേനന്‍ ഉപയോഗിച്ചിരുന്ന ട്യൂണിംഗ് ഫോര്‍ക്കോ ? “ കണക്ക് മാഷ് കളിയാക്കിപ്പറഞ്ഞു.
“ എന്താണപ്പാ ഈ ട്യൂണിംഗ് ഫോര്‍ക്ക് ? ഇത് ഇറച്ചി കുത്തിത്തിന്നുവാന്‍ ഉപയോഗിക്കുന്ന ഉപകരണവും മറ്റുമാണോ ? “ ഹിന്ദി മാഷ് ചോദിച്ചു.
അത് അവിടെ കൂട്ടച്ചിരി മുഴക്കി.
“ ഞാന്‍ ഈ ട്യൂണിംഗ് ഫോര്‍ക്കിനെ മറക്കൂല . പണ്ട് സ്കൂളില്‍ പഠിക്കുമ്പോള്‍ ട്യൂണിംഗ് ഫോര്‍ക്കിന്റെ എന്തോ ഒന്ന് കണ്ട് പിടിക്കാനായി റപ്പായി മാഷ് കണക്ക് തന്ന് അത് തെറ്റിയതിന് കിട്ടിയ ചൂടന്‍ അടി ഇപ്പോഴും ഓര്‍മ്മയിലുണ്ട് . അതോണ്ടാ ഞാന്‍ പ്രീഡിഗ്രിക്ക് തേര്‍ഡ് ഗ്രൂപ്പിന് ചേര്‍ന്നത് “ സോഷ്യല്‍ സ്റ്റഡീസ് മാഷ്  പറഞ്ഞു.
“ ഇത്രക്കും കൊഴപ്പക്കാരനാണോ ഈ കുന്തം ? ആരാണപ്പാ ഇത് കണ്ട് പിടിച്ചത് ?”
ഹിസ്റ്ററിമാഷ് ചോദിച്ചു.
“ എനിക്ക് സ്കൂളില്‍ പഠിക്കണകാലത്തേ ഉള്ള സംശയമാണ് . ഇതുപോലെ ഉള്ള ഒരു ചോദ്യം . ഇതേ വരെ ഉത്തരം കിട്ടീട്ടില്ല . പണ്ട് ഇത് പോലെ ഞാന്‍ ഞങ്ങളുടെ സയന്‍സ് മാഷിനോട് ചോദ്യം ചോദിച്ചപ്പോള്‍ ഉടനടി തുടയില്‍ അസ്സല്‍ അടികിട്ടി . അതും നല്ല കട്ടിച്ചൂരലുകൊണ്ട് അഞ്ചാറെണ്ണം ? “ മലയാളം മാഷ് പറഞ്ഞു.
“ നീ എന്നെ കളിയാക്കാനാണൊ വന്നത് എന്നുള്ള റപ്പായി മാഷിന്റെ ചോദ്യം ഇപ്പോഴും എന്റെ മനസ്സിലുണ്ട് “

മലയാളം മാഷ് ഓര്‍മ്മകള്‍ അയവിറക്കി.

“ എന്തായിരുന്നു ആ ചോദ്യം “ കണക്ക് മാഷ് ചോദിച്ചു
“ കോഴിയാണോ കോഴിമുട്ടയാണോ ആദ്യം ഉണ്ടായേന്ന് ?”
സ്റ്റാഫ് റൂമില്‍ കൂട്ടച്ചിരി മുഴങ്ങി .
“ റപ്പായി മാഷിന് സൈഡായി കോഴിക്കച്ചവടം ഉള്ള കാര്യം അറിയില്ലായിരുന്നു അല്ലേ “ ഹിസ്റ്ററി മാഷ് ചോദിച്ചു
“ഓ , അപ്പോ അതാ അടി കിട്ടീത് ല്ലേ “ മലയാളം മാഷിന് തനിക്ക് കിട്ടിയ അടിയുടെ കാര്യ-കാരണബന്ധം ഇപ്പോഴാണ് മനസ്സിലായത് .
“ എന്നീട്ട് ഇതേ വരേക്കും ഉത്തരം കിട്ടിയില്ല ?” സാമൂഹ്യം മാഷ് ചോദിച്ചു
“ എന്താ ശരിക്കും ഉള്ള ഉത്തരം ?  “ കണക്കുമാഷ് ഗൌരവത്തോടെ ചോദിച്ചു
“ ഇതിനുത്തരം ആര്‍ക്കും അറിയില്ലേ ?” ബയോളജി മാഷ് ചോദിച്ചു
അവിടെ കനത്ത മൌനം നടമാടി.
“ അതിപ്പോ കോഴീന്നാ കോഴിമുട്ടാ ഉണ്ടാവാ . കോഴിമുട്ടേന്നാ കോഴി ഉണ്ടാവാ ? അല്ലാണ്ട് എന്താ ഉത്തരം പറയാ
 ?”
“ ഇതാ ദൈവം ഇണ്ട്ന്ന് പറേണത് . ഇതൊക്കെ ദൈവം സൃഷ്ടിച്ചതാണെന്നേയ് “ ഇംഗ്ലീഷ് മാഷ് പറഞ്ഞു.
“ ഇതുപോലെ വേറെ ഒരു ചോദ്യം ചോദിക്കാറുണ്ട് . മാവാണോ മാങ്ങാണ്ടിയാണോ ആദ്യം ഉണ്ടായേന്ന് ?”
“ അതിപ്പോ കോഴി ഉള്ളോടത്ത് കോഴിനെക്കുറിച്ചും മാങ്ങയുള്ളിടത്ത് മാവിനെക്കുറിച്ചും തേങ്ങയുള്ളിടത്ത് തെങ്ങിനെക്കുറിച്ചൂം ഇങ്ങനത്തെ ചോദ്യം ഉണ്ടാവും ?” മലയാളം മാഷ് പ്രാദേശികഭാഷാ പരിജ്ഞാനം വ്യക്തമാക്കി.
“ എന്നാല്‍ ഞാന്‍ ഉത്തരം പറയാം “ ബയോളജിമാഷ് തുടര്‍ന്നു. “ കോഴിയുമല്ല , കോഴിമുട്ടയുമല്ല ആദ്യം ഉണ്ടായത്

. പരിണാമസിദ്ധാന്തപ്രകാരം ജീവികളെല്ലാം പരിണമിച്ചു വന്നതാണ് “
“ അത് കറക്ട് “
സ്റ്റാഫ് റൂമില്‍ കയ്യടി മുഴങ്ങി .
കയ്യടി അടങ്ങിയപ്പോള്‍ ....................
മലയാളം മാഷ് ചോദിച്ചു
“അപ്പോള്‍ കുസൃതിക്കുട്ടന്റെ കാര്യം എന്തായി ?”
“ അതിനുത്തരം ആര്‍ക്കാ കിട്ടാ “ ഡ്രോയിംഗ് മാഷ് വിളിച്ചു ചോദിച്ചു
“ ഇതൊക്കെ ഫിസിക്സ് മാഷ് അല്ലാണ്ട് ആരാ പറയാ ?”
സാമൂഹ്യം മാഷ് പറഞ്ഞു.
ഫിസിക്സ് മാഷിന്റെ ഉറക്കം ഈ ചര്‍ച്ചകള്‍ മൂലം പമ്പകടന്നിരുന്നു.
മാഷ് , കുസൃതിക്കുട്ടനോട് പറഞ്ഞു.
“ഞാന്‍ ഒന്നു റഫര്‍ചെയ്തീട്ട് പറയാം കുസൃതിക്കൂട്ടാ “
“ ഈ ഫിസിക്സ് മാഷിനോടും മാത്രം എന്താ കുട്ടികള്‍ ഇങ്ങനത്തെ സംശയം ചോദിക്കുന്നത് . നമ്മളോടൊന്നും

ചോദിക്കാത്തതെന്താ?” സാമൂഹ്യം മാഷ് ചോദിച്ചു
“ അതിന് നമ്മളൊക്കെ കൂട്ടികള്‍ സംശയം ചോദിക്കാന്‍ ഇടയുള്ള കാര്യങ്ങള്‍ക്ക്  കൂടി ഉത്തരം

പറഞ്ഞുകൊടുത്തീട്ടാ ക്ലാസില്‍ നിന്ന് പോരുന്നേ ?” കണക്കുമാഷ് ഫിസിക്സ് മാഷിനെ ഒന്നു കുത്തി .
അത് അവിടെ കൂട്ടച്ചിരി പരത്തി .
“ ഇനി വല്ല കുട്ടികളും ചോദ്യം ചോദിച്ചാലോ ഉത്തരം കയ്യില്‍ സ്റ്റോക്കുമില്ല .റഫര്‍ചെയ്യണമെന്നു പോലും “
ഫിസിക്സ് മാഷ് ഒന്നും മിണ്ടിയില്ല.
അപ്പോള്‍ ക്ലാസ് തുടങ്ങുവാനുള്ള ബെല്ലടിച്ചൂ.

വാല്‍ക്കഷണം :



1.ട്യൂണിംഗ് ഫോര്‍ക്ക് 1711 ല്‍  ജോണ്‍ ഷോര്‍ ( John Shore) ആണ്  കണ്ടുപിടിച്ചത് . അദ്ദേഹം  ബ്രിട്ടീഷ്

രാജകൊട്ടാരത്തിലെ സംഗീതജ്ഞനായിരുന്നു.
2.ട്യൂണിംഗ് ഫോര്‍ക്കിന്റെ പിച്ച് അതിന്റെ ഭുജങ്ങളുടെ നീളത്തിനെ ആശ്രയിച്ചിരിക്കുന്നു.
3. ട്യൂണിഗ് ഫോര്‍ക്കിന്  ഒരു ഭുജം മാത്രമാണ് ഉള്ളതെങ്കില്‍ അത് അത് കമ്പനം ചെയ്യുമ്പോള്‍  പ്രസ്തുത

യാന്ത്രികോര്‍ജ്ജം കൈയിലെത്തി പെട്ടെന്ന് ഇല്ലാതാവുന്നു. രണ്ട് ഭുജങ്ങള്‍ ഉണ്ടെങ്കില്‍ അവ കമ്പനം

ചെയ്യുമ്പോഴുള്ള യാന്ത്രികോര്‍ജ്ജം പെട്ടെന്ന് കൈയ്യിലെത്തി ഇല്ലാ‍താവുന്നില്ല.
4. കുറച്ച് കട്ടികൂടിയ വിശദീകരണം : overtones  വളരെ കുറച്ച് fundamental frequency യിലുള്ള Pure tone

ഉണ്ടാക്കുവാന്‍ പ്രസ്തുത ആകൃതി സഹായിക്കുന്നു.
5. Pure tone - ഈ ശബ്ദതരംഗത്തിന്റെ ആയതിയിലും ഫേസിലും മാത്രമേ മാറ്റം വരുത്തുവാന്‍ കഴിയുകയുള്ളു
6. ശബ്ദത്തിന്റെ undamental frequency യേക്കാളും ആവൃത്തി കൂടിയതിനെ overtone എന്നു പറയുന്നു.
7. ഒരു ക്രമാവര്‍ത്തന തരംഗത്തിലെ ഏറ്റവും കുറഞ്ഞ ആവൃത്തിയെ fundamental frequency എന്നു പറയുന്നു.
ഇനി പത്താംക്ലാസിലെ ഫിസിക്സില്‍ നിന്നൊരു ചോദ്യം
1. പ്രതിധ്വനിയും അനുരണനവും തമ്മിലുള്ള വ്യത്യാസമെന്താണ് ?
2. പ്രതിധ്വനി ഏതെല്ലാം സ്ഥലങ്ങളിലാണ് അനുഭവപ്പെടുന്നത് ? , എന്നാല്‍ അനുരണനമോ ?
3. വലിയ ഹാളുകളില്‍ ഭിത്തികള്‍ പരുക്കനാക്കിയിടുന്നത് എന്തിനാണ് ?
4. അടുത്തുവരുന്ന ശബ്ദസ്രോതസ്സിന്റെ ആവൃത്തി ചെവിയിലേക്ക് എത്തുമ്പോള്‍ പ്രസ്തുത ശ്രോതാവിന് എന്താണ്

അനുഭവപ്പെടുന്നത് ?
5. 1/10 സെക്കന്‍ഡിനുള്ളില്‍ ഇത്തരം ആവൃത്തികള്‍ ചെവിയിലെത്തുമ്പോള്‍ എന്തു സംഭവിക്കും ?
6.1/10 സെക്കന്‍ഡിനുള്ളില്‍ ഒരാള്‍ രണ്ട് ശബ്ദം കേട്ടു എന്നിരിക്കട്ടെ . എന്തായിരിക്കും അയാളുടെ ശ്രവണാനുഭവം

?
7.1/10 സെക്കന്‍ഡിനുള്ളില്‍ രണ്ട് ദൃശ്യങ്ങള്‍ കണ്ണില്‍ പതിച്ചാല്‍ എന്തായിരിക്കും അനുഭവം ?

മാഷ് എക് ട്രാവര്‍ക്കിനു ക്ലാസില്‍ ചെന്നപ്പോള്‍ ..............


മാഷ് ഒരു എക് സ്ട്രാ വര്‍ക്കിനായി ക്ലാസില്‍ ചെന്നതായിരുന്നു.
മാഷ് അവിടെ ക്ലാസ് എടുക്കുന്നില്ലായിരുന്നു.
അപ്പോള്‍ ഈ ഒഴിവ് പിരിഡ് എന്തു ചെയ്യണം എന്ന് മാഷ് ക്ലാസിലാകെ ചോദിച്ചു.
കുട്ടികള്‍ മാഷിനെ തന്നെ നോക്കുന്നു.
പുതുമയിലാര്‍ന്ന നിശ്ശബ്ദത .
അല്ലെങ്കില്‍ ക്ലാസ് അടി പൊളി ആയേനെ!
നിങ്ങളോട് ഞാന്‍ ഒരു ചോദ്യം ചോദിച്ചാലോ ?
ക്ലാസിലാകെ ഒരു പുഞ്ചിരി നടമാടി
മാഷ് ഏത് പസിലാണ് ചോദിക്കേണ്ടത് എന്ന് ആലോചിക്കുമ്പോള്‍
പെട്ടെന്ന് മുന്‍ബെഞ്ചിലിരുന്ന ആണ്‍കുട്ടി എണീറ്റുനിന്നു.
മാഷേ ഞങ്ങള്‍ മാഷിനോട് ഒരു ചോദ്യം ചോദിച്ചാലോ ?
മാഷ് ഞെട്ടിപ്പോയി !!
മാഷന്മാര്‍ക്കല്ലേ ചോദ്യം ചോദിക്കാന്‍ അവകാശം ?
എന്നിട്ട് ഇപ്പോള്‍ .....................
കുട്ടികള്‍ മാഷന്മാരോട് ചോദ്യം ചോദിക്കുകയോ ?
തോക്ക് അല്ലേ വെടിവെടിവെക്കേണ്ടത് ?
കാലം പോണപോക്കേ ?
ഒന്നുകില്‍ സമ്മതിക്കുക ; അല്ലെങ്കില്‍ കുട്ടിയെ അടിച്ചിരുത്തുക
അടിച്ചിരുത്തിയാല്‍ ....
സംഗതി നാട്ടില്‍ പാട്ടാകും
അതല്ലെ സമ്മതിച്ചാല്‍
മാഷിന് ഉത്തരം കിട്ടിയില്ലെങ്കില്‍ ....
അതും നാട്ടില്‍ പാട്ടാകും
മാഷ് കുഞ്ഞുണ്ണിമാഷിന്റെ വരികള്‍ ഓര്‍ത്തു
“ചോദ്യം ചോദിക്കന്‍ എന്തെളുപ്പം
ഉത്തരം പറയാനോ ?”
മാഷ് സംഗതി തമാശയാക്കാന്‍ തീരുമാനിച്ചു
കുഞ്ഞുണ്ണിമാഷിന്റെ വരികള്‍ ഉറക്കെ പാടി
ക്ലാസ് തമാശാ മൂഡിലായി .
മുന്‍‌ബെഞ്ചിലെ വിരുതനോട് ചോദ്യം ചോദിക്കാന്‍ പറഞ്ഞു
അവന്‍ ചോദ്യം അവതരിപ്പിച്ചു.
ഈ ചോദ്യം ക്ലാസില്‍ മറ്റാരെങ്കിലും മുന്‍പ് കേട്ടിട്ടുണ്ടോ എന്ന് ചോദിച്ചൂ
കുട്ടികള്‍ ഇല്ല എന്ന് തലയാട്ടി.
എങ്കില്‍ നിങ്ങള്‍ ഉത്തരം കണ്ടു പിടിക്കൂ എന്ന് മാഷ് പറഞ്ഞു .
അവര്‍ ഉത്തരം കണ്ടുപിടിക്കുന്ന ശ്രമത്തില്‍ മുഴുകി ; മാഷും

വാല്‍ക്കഷണം
നിങ്ങള്‍ക്ക് മൂന്ന് ബീക്കറുകള്‍ നല്‍കിയിട്ടുണ്ട് .ഒന്നാമത്തെ ബീക്കര്‍ 10 ലിറ്ററിന്റേതും രണ്ടാമത്തെ ബീക്കര്‍ 7 ലിറ്ററിന്റേതും മൂന്നാമത്തേത് 3 ലിറ്ററിന്റേതുമാണ് . 10 ലിറ്ററിന്റേതില്‍ മാത്രം നിറയെ വെളിച്ചെണ്ണ ഒഴിച്ചിട്ടുണ്ട് . ബാക്കി രണ്ടും ഒഴിഞ്ഞു കിടക്കുന്നു.
മറ്റു പാത്രങ്ങളുടേയോ , അളവുപാത്രങ്ങളുടേയോ സഹായമില്ലാതെ ഈ മൂന്ന് ബീക്കറുകള്‍ ഉപയോഗിച്ച്  എങ്ങനെ നിങ്ങള്‍ 5 ലിറ്റര്‍ വെളിച്ചെണ്ണ അളന്നു നല്‍കും ?

ഉത്തരത്തിനായി താഴോട്ട് സ്കോള്‍ ചെയ്യുക
















““






““






““






“ 
“ 
“ 
“ 
“ 
“  ““ 
“ 
“ 
“  ““ 
“ 
“ 
“ 
“ 
“  ““ 
“ 
“ 
“  ““ 
“ 
“ 
“ 
“ 
“  ““ 
“ 
“ 
“ 


““






““






““






““






““






““






““






““






““






““






““






““






““






““






““






““







ഉത്തരം

10 7 3
10 0 0
0 7 3
3 7 0
3 4 3
6 4 0
6 1 3
9 1 3
9 0 1
2 7 1
2 5 3
ഇനിയും വേണ്ടവിധത്തില്‍ അറേഞ്ച് ചെയ്താല്‍ സ്റ്റെപ്പുകള്‍ കുറക്കാം
അത് നിങ്ങള്‍ ചെയ്യൂ

ഇത് മഴവില്ല് അല്ല ഹാലോ ആണ്



വെള്ളിയാഴ്ച ഉച്ചസമയം .
ഇന്റര്‍വെല്‍ - സമയം
വെള്ളിയാഴ്ചയായതിനാല്‍ ഇന്റര്‍വെല്‍ ഒട്ടേറെ
ഫിസിക്സ് മാഷ് , പതിവുപോലെ സ്റ്റാഫ് റൂമില്‍ വാചകമടിച്ചിരിക്കയായിരുന്നു.
അന്നേരമാണ് ഒരു പറ്റം കുട്ടികള്‍ എത്തിയത്
ഓടി കിതച്ചൂകൊണ്ടാണ് വരവ്
വന്നപാടെ കൂട്ടത്തിലൊരുത്തന്‍ ചോദിച്ചു
“മാഷേ , മഴവില്ലിന്റെ പുറം വക്കിലല്ലേ ചുവപ്പ് ?”
മാഷിന് ഉത്തരം പറയുവാന്‍ തുടങ്ങുന്നതിനുമുന്‍പേ വേറെ ഒരു വന്‍
“മാഷേ , മഴവില്ലിന്റെ അകത്ത് ചുവപ്പ് ?”
അവന്‍ പറഞ്ഞു നിറുത്തിയില്ല ‘ അപ്പോഴേക്കും വേറെ കമന്റ്
“നട്ടുച്ചക്ക് മഴവില്ല് “
മാഷ് എന്തായാലും സ്റ്റാഫ് റൂമിന് പുറത്തിറങ്ങി
ഗ്രൌണ്ടിലെത്തി .
പലകുട്ടികളും ആകാശ നിരീക്ഷണം നടത്തുന്നുണ്ട് .
മാഷും മുകളിലേക്കു നോക്കി .
ഉച്ച സമയമായതിനാല്‍ ...............
ഏറെ കഷ്ടപ്പെടേണ്ടിവന്നു, മുകളിലേക്കു നോക്കാന്‍
അങ്ങനെ നോക്കിയപ്പോള്‍ ..............
അതാ കാണുന്നു കുട്ടികള്‍ പറഞ്ഞ മഴവില്ല്
അതും വൃത്താകൃതിയില്‍ ...
ഉള്‍ഭാഗത്ത് മങ്ങിയ ചുവപ്പ് കാണാം
മാഷ് കയ്യിലിരുന്ന മൊബൈല്‍ ഫോണ്‍ എടുത്ത് ഫോട്ടാ എടുത്തു.
“ഇത് വല്ല സുനാമിയുടേയും തുടക്കമാണൊ മാഷേ “
“കര്‍ക്കിടകമാസത്തില്‍ മഴ കിട്ടാത്തോണ്ട് പള്ളിയില്‍ ഇന്ന് പ്രത്യേക പ്രാര്‍ത്ഥന്‍ ഉണ്ടായിരുന്നു”
“മഴ , റഷ്യക്ക് പോയതാണോ മാഷേ , അവിടെ ഭയങ്കര മഴയായിരുന്നുവെന്ന് പത്രത്തില്‍ ഉണ്ടായിരുന്നു”
ചുറ്റും നിന്ന കുട്ടികള്‍ ഓരോ കമന്റ് പറഞ്ഞു കൊണ്ടിരുന്നു.
മാഷ് ഗ്രൌണ്ടില്‍ നിന്ന് വരാന്തയിലെത്തി .
പല അദ്ധ്യാപകരും ഈ ദൃശ്യം കാണുവാന്‍ പുറത്തെത്തിയിട്ടുണ്ട് .
ഫിസിക്സ് മാഷ് ആയതിനാല്‍ ഇതിനൊക്കെ ഉത്തരം പറയേണ്ട ധാര്‍മ്മിക ബാദ്ധ്യത മാഷിനുണ്ടെന്ന് മാഷിനു തോന്നി .
എങ്കില്‍ അതിനെക്കുറിച്ച് കാര്യമായി പഠിക്കതന്നെ
മാഷ് ഐ ടി ലാബില്‍ പോയി നെറ്റ് സെര്‍ച്ച് ചെയ്തു
ഫുള്‍ സര്‍ക്കിള്‍ റെയിന്‍ബോ എന്ന കീ വേഡ് പല രൂപത്തിലും ഭാവത്തിലും കൊടുത്തെങ്കിലും രക്ഷയില്ല.
വിക്കിപ്പീഡിയയും രക്ഷിന്നില്ല.
അതിനാല്‍ ...............
അങ്ങനെ വിട്ടാല്‍ ശരിയാവില്ലല്ലോ
പണ്ടെങ്ങോ ഇതിനെക്കുറിച്ച് വായിച്ച ഓര്‍മ്മ മാഷിനു വന്നു
.............................
.........................
വൈകീട്ട് വീട്ടിലെത്തി
പണ്ട് പഠിച്ച A Text Book of Optics ( Subrahmaniyam Brijlal ) എന്ന പുസ്തകമെടുത്തു.
പരതി .
അതാ കിടക്കുന്നു
സത്യം സത്യമായി ...
പേജ് 120 നിവര്‍ത്തി
ഹാലോസ് എന്ന ഹെഡ്ഡീംഗ് കണ്ടു
പിന്നെ സന്തോഷമായി .
അതിനെക്കുറിച്ച് വിവരണം കൃത്യമായി നല്‍കിയിരിക്കുന്നു.
മാഷിന് സന്തോഷമായി .

സംഗതി മഴവില്ല് അല്ല ഹാലോ ആണെന്ന് വ്യക്തമായി
പിന്നീട് ഹാലോയെക്കുറിച്ച് നെറ്റില്‍ സെര്‍ച്ച് ചെയ്തു .
അങ്ങനെ കൂടുതല്‍ അറിവ് ആ വിഷയത്തില്‍ ലഭിച്ചൂ

വാല്‍ക്കഷണം 1 ( ഹാലോയെക്കുറിച്ച് )
ഹാലോസ് ( haloes) എന്നത് പ്രകാശത്തിന്റെ ഒരു പ്രതിഭാസമാണ് . സൂര്യനോ ചന്ദ്രനോ നേരിയ മേഘാവരണത്തില്‍ക്കൂടി ദൃശ്യമാകുമ്പോഴാണ് ഈ പ്രതിഭാസം ദൃശ്യമാകുന്നത് .സാധാരണയായി കാണപ്പെടുന്ന ഹാലോയെ 22 ഡിഗ്രി ഹാലോ എന്നാണ് പറയുക.
അതായത് ഹാലോ വളയത്തിന്റെ ആരം നേത്രവുമായി 22 ഡിഗ്രി കോണ്‍ ഉണ്ടാക്കുന്നു എന്നര്‍ത്ഥം ; മാത്രമല്ല ഇതിന്റെ കേന്ദ്രത്തില്‍ സൂര്യനോ ചന്ദ്രനോ ഉണ്ടാകുകയും ചെയ്യും.
ഹെക്സഗണല്‍( ((55(5( 5 വശങ്ങളുള്ള ) പ്രിസത്തിന്റെ ആകൃതിയിലുള്ള ഐസ് ക്രിസ്റ്റലുകള്‍ ഉള്ള മേഘത്തില്‍ക്കൂടി സൂര്യപ്രകാശത്തിന് അപവര്‍ത്തനം സംഭവിക്കുമ്പോഴാണ് ഹാലോ  എന്ന പ്രതിഭാസം ദൃശ്യമാകുന്നത് . ഇത്തരത്തിലുള്ള അനേകം ഐസ് ക്രിസ്റ്റലുകള്‍ മേഘത്തിലുണ്ടായാല്‍ നിശ്ചയമായും ഹാലോ ഉണ്ടാകും . ഇതിന്റെ ഉള്‍ഭാഗം ചുവപ്പും പുറം ഭാഗം നീലയുമായിരിക്കും . പക്ഷെ , മഴവില്ലില്‍ കാണുന്ന വര്‍ണ്ണങ്ങളേക്കാള്‍ മങ്ങിയിട്ടാണ് ഹോലോ യിലെ വര്‍ണ്ണങ്ങള്‍ ദൃശ്യമാകുക.


Sun Halo appeared in Padang, Indonesia two days after The 7,6 Magnitude Earthquake, captured on October 02nd, 2009

RAINBOW
A circular rainbow seen while  skydiving

'ബലൂണ്‍ വിദ്യകള്‍' പ്രസിദ്ധീകരിച്ചു.

നമ്മുടെ ഫിസിക്സ് അദ്ധ്യാപകന്‍ ബ്ലോഗ് ടീമംഗമായ ശ്രീ. സി. കെ. ബിജുമാഷ് എഴുതിയ
'ബലൂണ്‍ വിദ്യകള്‍ ' എന്ന പുസ്തകം NBS പ്രസിദ്ധീകരിച്ച വിവരം സന്തോഷപൂര്‍വ്വം അറിയിക്കുന്നു. പുസ്തകത്തിന് അവതാരിക എഴുതിയിരിക്കുന്നത് കൊച്ചി ശാസ്ത്രസാങ്കേതിക സര്‍വ്വകലാശാലയിലെ പബ്ലിക് റിലേഷന്‍സ് ഡയറക്ടറും സുപ്രസിദ്ധ ശാസ്ത്രസാഹിത്യകാരനുമായ ഡോ. അനില്‍കുമാര്‍ വടവാതൂരാണ്.
ബലൂണ്‍ ഉപയോഗിച്ച് ചെയ്യാവുന്ന നിരവധി പരീക്ഷണങ്ങളും പ്രവര്‍ത്തനങ്ങളുമാണ് ഇതില്‍ ഉള്‍ക്കൊള്ളിച്ചിരിക്കുന്നത്.

പാറതന്‍ മറയത്ത് !!



ഒരു പ്രവര്‍ത്തിദിനത്തിലെ ഉച്ചഭക്ഷണ സമയം
സ്ഥലം സ്റ്റാഫ് റൂം
ഫിസിക്സ് മാഷ് ഉച്ചഭക്ഷണത്തിനുശേഷമുള്ള മയക്കത്തിനുള്ള തയ്യാറെടുപ്പിലായിരുന്നു
അന്നേരമാണ് മലയാളം മാഷ് ആ വെടി പൊട്ടിച്ചത് .
“ ഇത്തരത്തില്‍ പരീക്ഷണം നടത്തിയാല്‍ എന്താ സ്ഥിതി “
അങ്ങനെ അന്നത്തെ ചര്‍ച്ചക്ക് മലയാളം മാഷ് തുടക്കമിട്ടു
“ കവിത എഴുതുന്നതുപോലെയല്ല പരീക്ഷണം “
കണക്ക് മാഷ് പരിഹസിച്ചു.
“ എന്താ പ്രശ്നം “
അപ്പോള്‍ എത്തിച്ചേര്‍ന്ന സംസ്കൃതം മാഷ് ചോദിച്ചു
“ന്യൂട്രിനോ പരീക്ഷണം തന്നെ“
“ രണ്ടായിരത്തിച്ചില്ലാനം മീറ്റര്‍ തുരങ്കം ഉണ്ടാക്കുന്നുണ്ടത്രെ”
“ഇതില്‍ 700 മീറ്റര്‍ തുരങ്കം കേരളത്തിലാണത്രെ, ബാക്കി തമിഴ്‌നാട്ടിലും “
“ ഇടുക്കിയിലെ അണക്കെട്ടിനു വല്ല കുഴപ്പോം ഉണ്ടാകുമോ  “
“ഡ്രോയിംഗ് മാഷ് ആശങ്കപ്പെട്ടു
“അമേരിക്കേന്നാ ഈ ന്യൂട്രോണുകളെ അയക്കുന്നത് “
സാമൂഹ്യം മാഷ് ആണ് ഈ കമന്റ് നടത്തിയത് 
“ അത് ശരിയാ അമേരിക്കേന്ന് നേരെ ഒരു കുഴി കുഴിച്ചാല്‍ ഇന്ത്യയിലെത്തുമെന്ന് പണ്ട് പഠിച്ചിട്ടുണ്ട് “
ഡ്രോയ്യിംഗ് മാഷ് തന്റെ വിജ്ഞാനം വെളിപ്പെടുത്തി.
“ ഈ അമേരിക്കക്കാരെന്തിനാ ഇന്ത്യയില്‍ പരീക്ഷണം നടത്തുന്നത് ?”
സംസ്കൃതം മാഷ് തന്റെ രോഷം പ്രകടിപ്പിച്ചു

“അതല്ല കാരണം , ഭൂമിയുടെ കോര്‍വഴി പരീക്ഷണം നടത്തണമെങ്കില്‍ ഇന്ത്യ അല്ലെങ്കില്‍ ശ്രീലങ്ക മാത്രമേ സാദ്ധ്യമാകുകയുള്ളൂ”
“എന്തിനാ ഇങ്ങനത്തെ പരീക്ഷണം നടത്തുന്നത് “
കണക്കുമാഷ് പ്രതികരിച്ചു
“ അതോ , ഭൂമിയുടെ കോര്‍ വഴി ന്യൂട്രിനോയെ അയക്കുമ്പോള്‍ അതിനുണ്ടാകുന്ന മാറ്റം കണ്ടെത്തുവാനാണ് ശ്രമിക്കുന്നത് .”
“ ഇതോണ്ട് എന്താ ഉപയോഗം ?”
“ ഇത് വഴി - ന്യൂട്രിനോ- അയച്ചാല്‍ ഭൂമിയില്‍ എവിടെയാണെങ്കിലും അണുബോംബ് സ്ഫോടനം നടത്താം “
“ നമ്മള്‍ ഇത്രയൊക്കെ പറഞ്ഞീട്ടും ഫിസിക്സ് മാഷ് എന്താ ഒന്നും മിണ്ടാതിരിക്കുന്നത് ? ഇതിനെക്കുറിച്ച് ഒന്നും പറയുന്നില്ലല്ലോ “
അത്  അവിടെ കൂട്ടച്ചിരി പരത്തി
“ ഞാന്‍ വിശദമായി ഒന്നു പഠിച്ചിട്ടു പറയാം “
ഫിസിക്സ് മാഷ് അതും പറഞ്ഞ് ഇന്റര്‍നെറ്റ് തപ്പുവാന്‍ ഐ ടി ലാബില്‍ പോയി 

വാല്‍ക്കഷണം
1. ന്യൂട്രിനോ വൈദ്യുതപരമായി ചാര്‍ജ്ജില്ലാത്ത കണമാണ്
2. ഈ പദത്തിന്റെ അര്‍ഥം "small neutral one" എന്നാണ്
3. കൃത്യമായി  ന്യൂട്രിനോയുടെ മാസ് അളക്കുവാന്‍ സാധിച്ചിട്ടില്ല.
4.ന്യൂട്രിനോയെ വൈദ്യുത കാന്തിക ബലം സ്വാധീനിക്കുന്നില്ല.
5.ന്യൂട്രിനോയെ weak sub-atomic force മാത്രമേ സ്വാധീനിക്കുന്നുള്ളൂ
6. കോസ്മിക് രശ്മികള്‍ ആറ്റങ്ങളില്‍ പതിക്കുമ്പോള്‍ ന്യൂട്രിനോ ഉണ്ടാകുന്നുണ്ട് 
7.റേഡിയോ ആക്ടീവ് ഡീക്കേ നടക്കുമ്പോള്‍ ന്യൂട്രിനോ ഉണ്ടാകുന്നു.
8.സൂര്യനിലും ന്യൂക്ലിയാര്‍ റിയാക്ടറിലും നടക്കുന്ന രാസപ്രവര്‍ത്തനങ്ങള്‍ വഴി ന്യൂട്രിനോ ഉണ്ടാകുന്നു.
9. ന്യൂട്രിനോ അത് കടന്നുപോകുന്ന മാദ്ധ്യമത്തെ അയണീകരിക്കുന്നില്ല.അതിനാല്‍ അതിന്റെ സാനിദ്ധ്യം കണ്ടെത്തുവാന്‍ പ്രയാസമാണ്.

10.കോസ്മിക് വികിരണങ്ങളില്‍ നിന്നും മറ്റ് വികിരണങ്ങളില്‍നിന്നും ഉള്ള സ്വാധീനം ഒഴിവാക്കുന്നതിനാണ് ന്യൂട്രിനോ ഡിറ്റക്ടറുകള്‍ ഭൂമിക്കടിയില്‍ 

സ്ഥാപിക്കുന്നത് .
വാല്‍ക്കഷണം : 2
കടപ്പാട് : ഏഷ്യാനെറ്റ് ന്യൂസ് 

Electronics symbols

G.N. Sudheer, KKMHSS Vandithavalam, Palakkad. തയ്യാറാക്കിയ ഇലക്ട്രോണിക്സുമായി ബന്ധപ്പെട്ട ഒരു അപ് ലെറ്റ്

വൈദ്യുതി ലാഭിക്കാന്‍ എനിക്ക് എന്തുചെയ്യാന്‍ കഴിയും....?


-->

"പ്രിയപ്പെട്ട കുട്ടികളെ വൈദ്യുതി അമൂല്യമാണ്. വൈദ്യുതി പാഴാക്കുന്നത് രാജ്യത്തിന്റെ വികസനത്തിനുതന്നെ മുരടിപ്പുണ്ടാക്കുന്നു. ഈക്ലാസ്സിലെ 40 കുട്ടികളും ഒരു ദിവസം 1/10 യൂണിറ്റ് വൈദ്യുതി ഉപയോഗം കുറയ്ക്കാന്‍ ശ്രമിക്കുന്നു എന്നു കരുതുക. അപ്പോള്‍ ഒരു ദിവസം നിങ്ങള്‍ 4 യൂണിറ്റ് വൈദ്യുതി ഉപഭോഗം കുറയ്ക്കുന്നു. അങ്ങനെയെങ്കില്‍ 30 ദിവസങ്ങള്‍ ഉള്ള ഒരു മാസം 120 യൂണിറ്റ് വൈദ്യുതിയും ഒരു വര്‍ഷം 1440 യൂണിറ്റ് വൈദ്യുതിയും ലാഭിക്കാന്‍ നിങ്ങള്‍ക്ക് കഴിയും. ഈ രീതിയില്‍ നമ്മുടെ വിദ്യാലയത്തിലെ 10 ക്ലാസ്സിലെ കുട്ടികള്‍ ചിന്തിച്ചാല്‍ ഒരു വര്‍ഷം 14400 യൂണിറ്റ് വൈദ്യുതി ഉപഭോഗം കുറയ്ക്കാന്‍ നമുക്ക് കഴിയും. ഇത് 28800 യൂണിറ്റ് വൈദ്യുതി ഉത്പാദിപ്പിക്കുന്നതിനു തുല്യമാണ്. കാരണം ഒരു യൂണിറ്റ് വൈദ്യുതി നിങ്ങളുടെ വീടുകളില്‍ എത്തുമ്പോള്‍ അത്രയും തന്നെ വൈദ്യുതി പ്രസരണ നഷ്ടം ഉണ്ടാകുന്നു ​​എന്നാണ് കണക്കുകള്‍ സൂചിപ്പിക്കുന്നത്." നിസാര്‍ സാര്‍ ഇത്രയും പറഞ്ഞപ്പോള്‍ കുട്ടികള്‍ ചോദിച്ചു ,
" ഇതിനായി ഞങ്ങള്‍ എന്തെല്ലാമാണ് ചെയ്യേണ്ടത് ?" 

നിങ്ങള്‍ ചെയ്യേണ്ടത്.....
1) നിങ്ങളുടെ വീടുകളില്‍ സാധാരണ ബള്‍ബുകള്‍ (ഫിലമെന്റ് ബള്‍ബുകള്‍) ഉപയോഗിക്കുന്നുണ്ട് എങ്കില്‍ അവയുടെ സ്ഥാനത്ത് സി. എഫ്. എല്‍ ഉപയോഗിക്കുക

2) സീറോ വാട്ട് ബള്‍ബുകള്‍ (പേരില്‍ മാത്രം സീറോ വാട്ട്) എന്ന പേരില്‍ വിളിക്കുന്ന ബള്‍ബുകള്‍ക്ക് (15W)പകരം പവര്‍ കുറഞ്ഞ LED ലാമ്പ് ഉപയോഗിക്കുക
സീറോ വാട്ട് ബള്‍ബുകള്‍ ഒരു ദിവസം 6 മണിക്കൂര്‍ പ്രവര്‍ത്തിക്കുമ്പോള്‍ 0.09 യൂണിറ്റ് വൈദ്യുതി ഉപയോഗിക്കുന്നു. അതായത് ഒരു മാസം 2.7 യൂണിറ്റ് വൈദ്യുതി. എന്നാല്‍ അവയുടെ
സ്ഥാനത്ത് LEDലാമ്പ് (1W)ഉപയോഗിക്കുമ്പോള്‍ ഒരു മാസം 0.18 യൂണിറ്റ് വൈദ്യുതി മാത്രമേ ഉപയോഗിക്കുന്നുള്ളൂ, ഒരു മാസം 2.52 യൂണിറ്റ് വൈദ്യുതി ഉപഭോഗം കുറയ്ക്കുന്നു

3) ഉപയോഗം കഴിഞ്ഞാല്‍ ഉടന്‍ ലൈറ്റ്, ഫാന്‍, ടി. വി., കമ്പ്യൂട്ടര്‍ എന്നിവയുടെ സ്വിച്ച് ഓഫ് ചെയ്യുക. പെട്ടെന്നു കറന്റു പോയാല്‍ മുറിയില്‍ നിന്നും പുറത്തുകടക്കുമ്പോള്‍ സ്വിച്ച് ഓഫ് ചെയ്തു എന്ന് ഉറപ്പ് വരുത്തുക

4) പകല്‍ സമയത്ത് വീടിനുള്ളില്‍ കാറ്റും വെളിച്ചവും കടക്കത്തക്കരീതിയില്‍ ജനാലകള്‍ തുറന്നിടുക. അത്യാവശ്യം വേണ്ടുന്ന സാഹചര്യങ്ങളില്‍ മാത്രം ലൈറ്റ്, ഫാന്‍ എന്നിവ പ്രവര്‍ത്തിപ്പിക്കുക

5) മുറികള്‍ക്കുള്ളില്‍ അടുത്ത തവണ പെയിന്റ് ചെയ്യുമ്പോള്‍ ഇളം നിറത്തിലുള്ള പെയിന്റ് ഉപയോഗിക്കുക

6)പഴയ ട്യൂബ് ലൈറ്റുകള്‍ കേടുവന്ന് മാറ്റുമ്പോള്‍ ഇലക്ട്രോണിക്സ് ചോക്കും സ്ലിം ട്യൂബുകളും ഉപയാഗിക്കുക

7) നിലവില്‍ ഉപയോഗിക്കുന്ന ഫാനുകളുടെ കോയിലുകളില്‍ തകരാറ് ഉണ്ടെങ്കില്‍ അവ യഥാസമയം പരിഹരിക്കുക. പുതിയ ഫാനുകള്‍ വാങ്ങുമ്പോള്‍ വിലകുറവ് കണക്കിലെടുത്ത് ഭാരവും വാട്ടേജ് കൂടിയതുമായ ഫാനുകള്‍ വാങ്ങരുത്. സ്റ്റാര്‍ റേറ്റിംഗ് നോക്ക് ഫാനുകള്‍ തെരെഞ്ഞെടുക്കുക. മിതമായ വേഗതയില്‍ മാത്രം ഫാനുകള്‍ പ്രവര്‍ത്തിപ്പിക്കുക.
കേന്ദ്ര ഊര്‍ജമന്ത്രാലയത്തിനു കീഴില്‍ ഉള്ള ബ്യൂറോ ഓഫ് എനര്‍ജി എഫിഷ്യന്‍സി ആണ് സ്റ്റാര്‍ റേറ്റിംഗ് ഏര്‍പ്പെടുത്തിയത്. ചുവന്ന പ്രതലത്തില്‍ 5 സ്റ്റാറുകള്‍ ഉണ്ടെങ്കില്‍ ആ ഉപകരണം ഏറ്റവും ഊര്‍ജക്ഷമത കൂടിയതായിരിക്കും

8)ആവശ്യകത അനുസരിച്ച് വലിപ്പവും സ്റ്റാര്‍ റേറ്റിംഗ് കൂടിയതുമായ റഫ്രിജറേറ്റര്‍ തെരെഞ്ഞെടുക്കുക. ഇടയ്ക്കിടയ്ക്ക് ഫ്രിഡ്ജിന്റെ വാതില്‍ തുറക്കരുത്. ആഹാരസാധനങ്ങള്‍ ചൂടോടെ ഫ്രിഡ്ജിനകത്ത് വയ്ക്കരുത്. കഴിയുമെങ്കില്‍ ഇടയ്ക്കിടെ ഡീഫ്രോസ്റ്റ് ചെയ്യുന്നത് നല്ലതാണ്. ഭിത്തിയില്‍ നിന്നും ഒരടിയെങ്കിലും വിട്ടു ഫ്രിഡ്ജ് വയ്ക്കുന്നതാണ് നല്ലത്. രാത്രി 7 മണി മുതല്‍ 10 മണി വരെ ഫ്രിഡ്ജ് ഓഫ് ചെയ്ത് വയ്ക്കാം. കൂടുതല്‍ ഭാരം ഫ്രിഡ്ജിനകത്തു കയറ്റി വയ്ക്കരുത്

9)ഇസ്തിരിപ്പെട്ടി വാങ്ങുമ്പോള്‍ സ്റ്റാര്‍ റേറ്റിംഗ് നോക്കി ഓട്ടോമാറ്റിക് കട്ട് ഓഫ് ആകുന്നവ തെരെഞ്ഞെടുക്കുക. ഗാര്‍ഹിക ആവശ്യങ്ങള്‍ക്ക് 450W ഇസ്തിരിപ്പെട്ടി മതിയാവും. ഇസ്തിരി ഇടുന്ന സമയത്ത് ഒരാഴ്ചത്തേക്കുള്ള വസ്ത്രങ്ങള്‍ ഒരുമിച്ച് ഇസ്തിരിയിടുക

10) മിക്സി, ഗ്രൈന്‍ഡര്‍ എന്നിവ മികച്ച സ്റ്റാര്‍ റേറ്റിംഗ് ഉള്ളവ തെരെഞ്ഞെടുക്കുക. ISI മുദ്രയുള്ള
ടേബിള്‍ ടോപ്പ് ഗ്രൈന്‍ഡര്‍ തെരെഞ്ഞെടുക്കുക. ഓവര്‍ലോഡ് റിലേയുള്ള മിക്സി ഉപയോഗിക്കുക

11)സ്റ്റാര്‍ റേറ്റിംഗ് ഉള്ള വാട്ടര്‍ പമ്പ് ആവശ്യം അനുസരിച്ച് ശേഷി ഉള്ളവ വാങ്ങുക. അനാവശ്യമായി പമ്പ് പ്രവര്‍ത്തിപ്പിക്കരുത്

12) ടി. വി., കംപ്യുട്ടര്‍ എന്നിവ വാങ്ങുമ്പോള്‍ LCD/LED ണോണിറ്റര്‍ ഉള്ളവ തെരെഞ്ഞെടുക്കുക. ഉപയോഗം കഴിഞ്ഞാല്‍ സ്വിച്ച് ഓഫ് ചെയ്യുക

13) എസി, വാഷിംഗമെഷീന്‍, എയര്‍കൂളര്‍ എന്നിവ ആവശ്യമെങ്കില്‍ മാത്രം ഉപയോഗിക്കുക.. 

14) ബാത്ത്റൂമുകളില്‍ സി.എഫ് ലാമ്പുകള്‍ക്ക് പകരം 3W LED ലാമ്പുകള്‍ ഉപയോഗിക്കുക

15) അനാഴശ്യമായി തെരുവുവിളക്കുകള്‍ പ്രവര്‍ത്തിക്കുന്നതുകണ്ടാല്‍ ഉടനെ ബന്ധപ്പെട്ട ഉദ്യോഗസ്ഥരെ വിവരമറിയിക്കുക

16) രാത്രികാലങ്ങളില്‍ കറന്റ് ഇല്ലാതിരിക്കുകന്ന സമയങ്ങളില്‍ ഉപയോഗിക്കുന്നതിന്, സോളാര്‍ LED ലാമ്പുകള്‍ ഉപയോഗിക്കുക

ഊര്‍ജ ഉപഭോഗ പട്ടിക
വൈദ്യുത ഉപകരണം പവര്‍ (W) ഒരു യൂണിറ്റ് വൈദ്യുതി ചെലവാകാന്‍ ഉപകരണം പ്രവര്‍ത്തിക്കേണ്ട സമയം ദിവസം 1മണിക്കുര്‍ പ്രവര്‍ത്തിക്കുമ്പോള്‍ ഒരുമാസത്തെ വൈദ്യുത ഉപഭോഗം(യൂണിറ്റ്)
ബള്‍ബ് 40 25 മണിക്കൂര്‍ 1.2
ബള്‍ബ് 60 16.6മണിക്കൂര്‍ 1.8
ബള്‍ബ് 100 10 മണിക്കൂര്‍ 3
സി. എഫ്. എല്‍ 5 200മണിക്കൂര്‍ 0.15
സി. എഫ്. എല്‍ 14 71.42 മണിക്കൂര്‍ 0.42
സി. എഫ്. എല്‍ 20 50മണിക്കൂര്‍ 0.6
ഫ്ലൂറസെന്റ് ലാമ്പ് (ഇലക്ട്രോണിക് ചോക്ക്) 35 28.57മണിക്കൂര്‍ 1.05
ഫ്ലൂറസെന്റ് ലാമ്പ്
(കോപ്പര്‍ ചോക്ക്)
55 18.18 മണിക്കൂര്‍ 1.65
സീറോ വാട്ട് ബള്‍ബ് 15 66.66മണിക്കൂര്‍ 0.45
സീലിംഗ് ഫാന്‍ 60 16.66 മണിക്കൂര്‍ 1.8
ടേബിള്‍ ഫാന്‍ 40 25 മണിക്കൂര്‍ 1.2
ഇസ്തിരിപ്പെട്ടി 450 2.22മണിക്കൂര്‍ 13.5
ഇസ്തിരിപ്പെട്ടി 1000 1മണിക്കൂര്‍ 30
.സി. (1 ടണ്‍) 1400 43 മിനിറ്റ് 42
.സി. (1.5 ടണ്‍) 1800 33 മിനിറ്റ് 54
എയര്‍ കൂളര്‍ 170 5.88മണിക്കൂര്‍ 5.1
റഫ്രിജറേറ്റര്‍ 225 4.4 മണിക്കൂര്‍ 6.75
റഫ്രിജറേറ്റര്‍ 300 3.33 മണിക്കൂര്‍ 9
വാഷിംഗ് മെഷീന്‍ 200 5 മണിക്കൂര്‍ 6
വാഷിംഗ് മെഷീന്‍ (ഓട്ടോമാറ്റിക്) 365 2.73 മണിക്കൂര്‍ 58
റേഡിയോ 15 66.66മണിക്കൂര്‍ 0.45
സി.ഡി.പ്ലയര്‍ 20 50 മണിക്കൂര്‍ 0.6
ടി. വി. 60 16.66 മണിക്കൂര്‍ 1.8
ടി. വി. 120 8.33 മണിക്കൂര്‍ 3.6
കമ്പ്യൂട്ടര്‍ 100 10മണിക്കൂര്‍ 3
കമ്പ്യൂട്ടര്‍ 150 6.66 മണിക്കൂര്‍ 4.5
വൈദ്യുതി ലാഭിക്കുന്നത് വൈദ്യുതി നിര്‍മ്മിക്കുന്നതിന് തുല്യമാണ്.
നാം ലാഭിക്കുന്ന ഓരോയൂണിറ്റ് വൈദ്യുതിയും രാജ്യത്തോടും ഭാവിതലുറയോടും
നമ്മോടുതന്നെയും നാം സ്വീകരിക്കുന്ന കരുതലാണ്.

തയ്യാറാക്കിയത്  - ഹിത, പാലക്കാട്